Ditmir Bushati: Shpresoj të zgjidhem anëtar i Asamblesë së PS

Ditmir Bushati flet për herë të parë për media pas emërimit nga kryeministri Edi Rama si anëtar i grupit të punës për ngritjen e Akademisë Politike të PS, ndërsa është edhe kandidat për anëtar të Kryesisë së partisë.

Duke folur për gazetarët, Bushati theksoi se shpreson që të zgjidhet anëtar Kryesie për të vijuar kontributin në PS.

“Ju falënderoj për interesin që keni, për Asamblenë e PS. Unë kam bërë votimin si gjithë anëtarët e tjerë të Asamblesë. Shpresoj të zgjidhem dhe të vazhdoj kontributin tim për PS. Kam përshtypjen që në fjalën e tij, kryetari i PS e theksoi se ka vend për të përmirësuar gjithë hapësirën e debatit politik. Përmirësimi i hapësirës së debatit politik jam i bindur që do të fillojë nga PS”, tha Bushati.

LEXO EDHE  Dyshimet/ Sa kushton ‘Bisha’ e Edi Ramës dhe çfarë e lidh kryeministrin me ‘pronaren’ e makinës

Kujtojmë se Ditmir Bushati ka pasur disa përplasje me kryeministrin Edi Rama, ndërsa ky i fundit nuk e përfshiu si kandidat në zgjedhjet parlamentare të 25 prillit. Rama tha se Bushatin nuk e ka përfshirë në lista, jo për shkak të armiqësisë apo konflikteve mes tyre, por sepse sipas Ramës, Bushati, ditën e parë që u ndryshua si drejtues i Shkodrës “ka zbritur nga treni”.