Disfata e Shqipërisë ndaj Polonisë, ja renditja në grupin e kuqezinjve

Foto nga Soccer24.com

Shqipëria u mund thellë nga Polonia 4-1 në një ndeshje “mikse” për skuadrën e drejtuar nga Reja.

Ndeshja nisi keq për Shqipërinë. Amir Abrazhi, Elseid Hysaj dhe Keidi Bare u ndëshkuan me kartonë të verdhë, teksa dy të fundit do mungojnë në ndeshjen e ardhshme pas tre ditësh në Elbasan me Hungarinë.

Polonia përfitoi nga turbullira e kuqezinjve dhe shënoi në minutën e 12 me Robert Leëandoëskin, që iu vodh mirë mbrojtjes sonë në zhvillimet e një goditje dënimi, pas faullit të shkaktuar nga Hysaj.

Kuqezinjtë nuk u dorëzuan dhe shënuan me Sokol Cikalleshin në minutën e 25-të. Kavajasi mori shumë mirë një top të gjatë të Gjasulës dhe fitoi duelin me Glik dhe portierin, duke tundur rrjetën.

LEXO EDHE  FOTO/ “Bën jetë të shthurur”, lojtari i City ndahet nga e dashura

Pas këtij goli, Shqipëria kishte edhe disa raste të tjera për të shënuar, por nuk i shfrytëzoi. Ligji i futbollit na dënoi dhe Polonia rigjeti avantazhin me Adam Buksa, pas një goditje këndi.

Polonia shënoi edhe dy gola në pjesën e dytë me Krychowiak dhe Linety, duke marrë tre pikë të rëndësishme.

Mbetemi gjashtë pikë në grup, ndërsa ndeshja e radhës do të jetë ndaj Hungarisë që u mund sot 4-0 nga Anglia në Budapest. Të gjitha golat erdhën në pjesën e dytë me Sterling, Kane, Maguire dhe Rice.