Vaksinimet, Shqipëria e katërta nga fundi. Ja kush kryeson renditjen

Shqipëria renditet ndër vendet e fundit në Europë lidhur me vaksinimet kundër Covid-19, pavarësisht entuziazmit të Qeverisë dhe Kryeministrit Edi Rama lidhur me këtë proces.

Referuar të dhënave nga “World in Data”, Shqipëria ka vaksinuar 28.5 % të popullatës, duke lënë pas Kosovën me 20 %, Bosnjen me 17 % dhe Bullgarinë me 16 %. Por në dallim nga të paktën dy vendet, Kosova dhe Bullgaria, ku janë aplikuar vaksinat e certifikuara nga EMA, në Shqipëri është përdorur në masë vaksina kineve Sinovac, çka duket se ka ndikuar në rritjen e përqindjes së numrit të të vaksinuarve.

Sipas të dhënave nga “World in Data”, në Shqipëri janë vaksinuar me 1 dozë 28.5 % e popullsisë mbi 18 vjeç dhe me dy dozat vetëm 22%, shkruan Monitor.

Serbia është vendi lider në Rajon lidhur me vaksinimet, ku rreth 41 % e popullsisë mbi 18 vjeç kanë marrë të dyja dozat, ndërsa Mali i Zi dhe Maqedonia, pavarësisht se kanë nisur vaksinimet më vonë se Shqipëria aktualisht ndodhen në pozita më të mira.

LEXO EDHE  Bilanc lufte/ 13 v*ktima në 24 orët e fundit në Shqipëri! Ja sa të infektuar kishte

Të dhënat e World in data, tregojnë se shteti që ka avancuar më shumë në Europë është Portugalia, që ka dhënë në paktën një dozë për 85% të popullsisë, ndërsa rreth 74% i kanë marrë të dyja dozat.

Malta është shteti që mban rekordin për vaksinimin total të popullsisë, me 80% të saj që i kanë marrë të dyja dozat.

Më pas renditen Spanja (78% me të paktën një dozë dhe 70% plotësisht), Danimarka (76% me të paktën një dozë dhe 72% plotësisht), Finlanda, (72% me të paktën një dozë dhe 50% plotësisht), Belgjika, (72% me të paktën një dozë dhe 70% plotësisht), Franca (71% me të paktën një dozë dhe 59% plotësisht),

Mbretëria e Bashkuar, që ishte në krye të vaksinimit pak muaj më parë vjen pas tyre, me 70% me të paktën një dozë dhe 63% plotësisht.