Modelja e njohur si “Miss Mercedes Morr” gjendet e vra*ë në banesë

Janae Gagnier, një modele e njohur në Instagram, është gjetur e vdekur brenda banesës së saj në Teksas, SHBA.

Modelja kishte 2.6 milion ndjekës në Instagram dhe njihej në internet si “Miss Mercedes Morr”. Ajo u gjet e vdekur në apartamentin e saj në periferi të Houston.

Autoritetet thonë se një burrë i dyshuar për vrasjen e 33-vjeçares u gjet gjithashtu i vdekur brenda banesës. Kevin Alexander Accorto, 34 vjeç, nga Florida u gjet i vdekur pasi kishte therur shumë herë me thikë veten e tij.

LEXO EDHE  Publikohet traileri i serialit ‘H.O.T’, zbulohet në cilin ekran do e shohim (Video)

Familja e Gagnier u tha hetuesve se nuk kishte asnjë lidhje mes saj dhe Accorto dhe motra e saj tha se ajo ishte vrarë nga dikush që e kishte përndjekur për shumë kohë në rrjetet sociale.

Ndjekësit e Gagnier në Instagram përfshinin reperët Meek Mill, Snoop Dogg, Cardi B dhe Megan Thee Stallion.