Këngëtarja e famshme me origjinë shqiptare, Bebe Rexha, ka dhuruar 10 mijë dollarë për spitalin e Dibrës, pasi nuk ka furnizime mjaftueshëm.
Gjithashtu këngëtarja ka bërë thirrje publike për të gjithë ndjekësit e saj në Instagram, që të ndihmojnë sado pak spitalin e Dibrës.
“Për të gjithë shqiptarët e mi dhe dibranët ju lutem ndihmoni. Nuk ka mjaftueshëm furnizime. Ju lutem ndihmoni duke dhuruar. Çdo gjë ndihmon”, ka shkruar Bebe Rexha në thirrjen e saj publike në InstaStory.
Këngëtarja ka postuar gjithashtu linkun nga ku mund të dhurohen online para për spitalin dhe deri më tani janë mbledhur 33.280 dollarë, ku 10 mijë janë dhuruar nga artistja 32 vjeçare.
