Në Paris po përpiqen ta mbajnë me çdo kusht ndërsa në Spanjë kanë nisur të mendojnë për prezantimin.
Kilian Mbappe-Real Madrid është operacioni më delikat i momentit në merkato, dhe palët sa janë afër janë edhe larg.
Galaktikët po provojnë me të gjitha mënyrat për të thyer rezistencën e drejtuesve të Paris Saint Germain. Oferta e fundit në drejtim të klubit në pronësitë sheikut Al Khelaifi është 170 milionë euro plus 10 nga bonuset, por tashmë pritet një tjetër e cila mund të arrij në 190 milionë euro për Kilian Mbappe.
Shifra të çmendura për një futbollist, kontrata e të cilit skadon pas 10 muajsh dhe mund të transferohet pa asnjë pagesë.
Ndërsa klubi parisien përpiqet t’i mohojë zërat, mediat spanjolle AS dhe Marca tregojnë se Mbappe është përshëndetur me shokët e skuadrës dhe do të largohet në 48 orët e ardhshme.
Ylli francez nuk do të grumbullohet për ndeshjen e radhës kundër Reims ndërkohë që Real Madrid ka nisur planet për prezantimin e tij përpara tifozëve.
Njëri opsion është përpara ndeshjes me Celta Vigo këtë fundjavë, edhe pse kapaciteti i stadiumit nuk do të jetë maksimal ndërsa mundësia tjetër është në stadiumin “Alfredo di Stefano” më 9 ose 10 shtator, menjëherë pasi Mbappe të kthehet nga ndeshjet kualifikuese të Botërorit me Francën.
