Kaosi me lundrimet nga Porti i Durrësit/ Anulohen udhëtimet me tragete drejt Ankonas deri më 30 Gusht

Situata kaotike me lundrimet e trageteve për transportin e udhëtarëve vijon në Portin e Durrësit, ndërsa janë anuluar të gjitha udhëtimet drejt Ankonas deri më 30 Gusht.

Autoriteti Portual Durrës ka informuar këtë të Premte se anulimet e të gjitha lundrimeve me tragete të planifikuar më herët drejt Ankonas-Itali për ditën e sotme, nesër dhe të Dielën.

“Për arsye të avarisë së rendë të anijes së linjës GNV në Itali, nuk do të ketë nisje nga Porti i Durrësit drejt Ankonës deri në datën 30.08.2021 dhe deri në një njoftim të dytë mbi rikthimin në funksion të linjës” thuhet në një njoftim të autoritetit.

Ndërkohë, lundrimet ditore drejt Barit me linjat Adria Ferries dhe Duni Port Agency/Ventouris, do të vijojnë lundrimet normalisht gjatë ditës së sotme dhe përgjatë fundjavës.

LEXO EDHE  Rama në Prishtinë, pritet me ceremoni shtetërore nga Albin Kurti

“Ministria e Infrastrukturës dhe Energjisë, Administrata Detare dhe Autoriteti Portual Durrës po marrin masa që Operatorët e Trageteve të normalizojnë kalendarin e lundrimeve drejt Italisë përfshirë mundësinë për të siguruar zëvendësim apo shtesë anijesh, duke respektuar të drejtën e pasagjerëve për rimbursim në rast anullimesh sipas legjislacionit dhe standarteve të transportit detar”, thuhet më tej në njoftim, ndërsa ftohen udhëtarët të kontaktojnë për çdo paqartësi me agjencitë ku kanë rezervuar biletat e udhëtimit, si dhe në numri e autoritetit: 0800 73 74.

Prej ditësh, situata me udhëtimet me traget është kthyer në kaotike, pasi për të disatën ditë radhazi, qytetarë që kanë prerë biletat më herët, nuk po arrijë të realizojë lundrimet e planifikuara.

Lexo edhe:

Drama me emigrantët në Portin e Durrësit/ U anulohen lundrimet, Rama e Balluku heshtin, Policia i procedon (VIDEO)