Liverpuli nis rrugëtimin me objektiv rifitimin e Ligës së Kampioneve me sfida shumë të komplikuara. Skuadra e drejtuar nga Jurgen Klop ka rënë në një grup të vështirë si ai B, ku përballë janë edhe emra si Atletiko Madrid, Milan dhe Porto, tre skuadra me shumë ambicie e padyshim shumë cilësi.
Vetë tekniku gjerman nuk e ka fshehur që për të kishte qenë argëtuese kur kishte parë një rezultat të tillë të shfaqej nga goglat.
“Të jem i sinqertë, kam qeshur, dhe me zë të lartë pasi sigurisht që është një grup i vështirë. Kjo është Liga e Kampioneve, ndaj gjërat janë kështu dhe duhet të luash kundër ekipeve më të mira në Europë. Qartësisht disa prej tyre janë në grupin tonë.
Ne vazhdojë të jemi ambiciozë dhe do të dëshironim të shihnim punën e madhe që është bërë në vitin e kaluar, duke u kualifikuar për këtë turne dhe ia vlente. Po ashtu do të luajmë edhe ndeshjet tona”, tha tekniku i Liverpulit.
