Nga hetimet e kryera në lidhje me efektivin e RENEA-s Rael Luli, i cili u arrestua pak ditë më parë si i përfshirë në një rrjet trafiku droge në Tiranë, rezulton se ai e shiste vetë drogën në kryeqytet.
Janë tre raste të dokumentuar nga ana e oficerëve të SHÇBA, ku ka dalë qartë se Rael Luli, shiste kokainë dhe në të treja rastet, ai i aka shitur “mallin” një oficeri të infiltruar nga strukturat e hetimit. Ndërkohë ky i fundit është prezantuar si emigrant dhe se e kishte të nevojshme përdorimin e kokainës.
Pasi është marrë nga agjenti i infiltruar, droga i është nënshtruar një ekzaminimi në laborator, e cila më ka rezultuar me një përqindje pastërtie prej 80%.
Përveç kokainës, polici i RENEA-s shiste edhe sasi hashashi, ndërs për të bërë shpërndarjen dyshohet se ai përdorte edhe kushëririn e tij 30-vjeçar Jurgen Luli.
Ky i fundit u gjet në një shtëpi të marrë me qira nga Raeli, në zonën e ish Parkut të Autobuzëve. Mësohet se Rael Luli, Jurgen Luli e Gevi Spahia janë lënë në masën “arrest me burg”, kurse Gertjan Harapi dhe Ergi Sala, janë lënë në gjendje të lirë. /Oranews
