Arrestimi i ish zv/ministrit, flet pronari i vreshtit që u dogj: Si ja vuri flakën, ai është njeri handikapat!

Byro Rusi, fqinji që denoncoi ish-zv.ministrin Albert Gajo për djegien e 2.5 hektarëve me vreshta ka folur në një lidhje telefonike me News24 ku ka sqaruar ngjarjen. Ai tha se Gajo është bashkëpronar në këto vreshta dhe se ditën e djeshme ka hedhur shashka për të trembur zogjtë që mos të hanin rrushin dhe në këtë mënyrë i ka vënë zjarrin vreshtave dhe një sipërfaqeje tjetër me shkurre e barishte.

Rusi tha se ka qenë roja i vreshtit si dhe barinjtë që kanë parë skenën, teksa foli për konflikte me z.Gajo.

“Historia është pak e gjatë. Dje zotëria në fjalë, ka shkuar në vreshtin që është pronë e përbashkët e disa bashkëpronarëve dhe ka hedhur shashka për të trembur zogjtë që mos të hanë rrushin. Me këto shashka ka vënë flakën. Ka dalë jashtë kontrollit, ka marrë flakë vreshti, ka marrë flakë pylli që është afër. Dëme pafund. Toka është në bashkëpronësi dhe z.Gajo e ka zaptuar dhe na ka larguar duke pasur influenca politike, siç bëhen gjërat në përgjithësi. Unë jam në gjyq me z.Gajo sepse më akuzuar për tentativë vrasje, kërcënim, ndërkohë që e kam pasur ortak z.Gajo. Shkoja me mjetin tim e shpenzimet e mia në vreshta, toka është e babait tim, e hallave të miat. Ai nuk ka qenë pronar, me disa manovra e falsifikime u fut në pronë nëpërmjet ish-bashkëshortes së tij që është kushërira jonë. Ai bën dhe budallallëkun më të madh me papërgjegjshmërinë më të madhe i vë dhe flakën. Është totalisht një njeri handikapat. Dje në drekë ka ndodhur zjarrvënia. Është roja që z. Gajo ka vënë dhe nja dy barinj të zonës. Policia u mbështet tek ata. Është një vend shumë i izoluar ku nuk ka njerëz të tjerë. Janë djegur rreth 2.5 hektarë vetëm vresht dhe pjesa e pyllit mbi 1 hektarë. Marr shkas të falënderoj zjarrfikësit”, tha z.Rusi.

LEXO EDHE  Krimi tronditës në Divjakë/ Flet vëllai i autorit: Ishin dobët ekonomikisht ...

Lexo edhe:

Arrestohet ish zv/ministri, akuzohet se i vuri flakën vreshtit në Leskovik