FOTO/ Transportonin mbi 65 kg kanabis, arrestohen 5 shqiptarë dhe një greke

Një sasi prej 65 kg kanabis u kapën dhe u sekuestruan nga policia greke në zonën e Kosturit ditën e sotme.

Policia ka arrestuar 6 persona, mes tyre 5 shqiptarë dhe një greke të cilët akuzohen për trafik droge.

Sipas mediave greke, lënda narkotike kishte destinacion Greqinë. Në një makinë që drejtohej nga një 29-vjeçar shqiptar, u gjetën dhe u sekuestruan 4 çanta me 62 pako kanabis.

Pas kësaj makine, u ndalua dhe një mjet tjetër ku udhëtonin 4 shqiptarë dhe një greke që dyshohet se bënin kontrollin e rrugëve dhe sinjalizonin makinën ku ishte lënda narkotike.

LEXO EDHE  Vendimi i Apelit të GJKKO për Llallën, ja çfarë raporton VOA

Në automjet u kapën konkretisht, 63.850 kg kanabis, 1.441 kg hashash në formë çokollate dhe 168 ml vaj kanabisi.

Gjithashtu autoritetet greke zhvilluan kontrolle në banesat e të arrestuarve ku 29-vjeçarit shqiptar iu gjet dhe një sasi tjetër prej 200 gramë kanabisi.

Përveç lëndës narkotike, u sekuestruan 3 makina, 9 celularë dhe një shumë prej 1300 eurosh.