Një 26-vjeçar mbeti i plagosur me armë zjarri pak para mesnatës, ndërsa policia ka shpallur në kërkim autorin e dyshuar të ngjarjes.
I plagosur ka mbetur shtetasi I. S., rreth 26 vjeç, dhe sipas Policisë, ngjarja ka ndodhur pas një konflikti për motive të dobëta.
I plagosuri është transportuar në spital, ku po merr ndihmën mjekësore përkatëse dhe ndodhet nën kujdesin e mjekëve, ka njoftuar Policia e Shtetit.
Ndërkohë, shërbimet e policisë kanë rrethuar zonën dhe po punojnë për kapjen e autorit, ndërsa grupi hetimor nën Drejtimin e Prokurorisë së Rrethit Gjyqësor Durrës, vijon punën për zbardhen e rrethanave të ngjarjes.
Njoftimi i policisë:
Plagosi me armë zjarri 1 shtetas pas një konflitki për motive të dobëta, shpallet në kërkim autori i dyshuar.
Më datë 08.08.2021, rreth orës 23:41, në lagjen nr.18, Durrës, pas një konflikti për motive të dobëta shtetasi H. Ll., ka plagosur dyshohet se me armë zjarri në këmbë shtetasin I. S., rreth 26 vjeç, i cili ndodhet në spital nën kujdesin e mjekëve.
Shërbimet e Policisë kanë rrethuar zonën dhe vijojnë punën për kapjen e tij.
Grupi hetimor nën Drejtimin e Prokurorisë së Rrethit Gjyqësor Durrës, vijon punën për zbardhen e rrethanave të ngjarjes.
