Në Voskopojë, vatra e zjarrit e rënë dje në pyjet me pisha të Krushovës është pothuajse drejt fikjes, ndërsa raportohet se rënia e intensitetit të flakëve ka ardhur edhe si pasojë e temperaturave të ulura gjatë natës.
Mësohet se në terren janë punonjës, zjarrfikës dhe Forca të Armatosura që kanë nisur punën që në 5 të mëngjesit. Vetëm në një vatër aktive vijon puna për fikjen e plotë, ndërsa ende nuk ka informacion për sipërfaqen e djegur.
Vatra aktive ka edhe në fshatin Gjonomadh, zjarr i cili ka rënë që prej ditës së djeshme. Janë 10 trupa zjarrfikëse të cilat janë duke u përpjekur për të izoluar flakët.
Pra, aktualisht janë 2 vatra zjarri në njësinë administrative Voskopojë të bashkisë Korçë.
