Protesta në Korçë për ftesën që i është bërë këngëtarit Goran Bregoviç për të marrë pjesë në festën e birrës. Përmes rrjeteve sociale njoftohet se sot në orën 11:00, në sheshin te katedralia ortodokse në Korçë, do të mbahet një protestë paqësore dhe e heshtur kundër Bregoviç.
Organizatorët përmes rrjeteve sociale i drejtojnë një thirrje të gjithë intelektualëve, qytetarëve, nga të gjitha trojet, që të jenë pjesëmarrës, ndërsa qëllimi i protestës është që të ndalin këngëtarin Bregoviç, që cilësohet një anti-shqiptar.
Mësohet se mbrëmjen e djeshme në policinë e Korçës është depozituar edhe njoftimi për zhvillimin e protestës, e cila duket se është në vijim të reagimeve të shumta, kundër pjesëmarrjes së Bregoviç në koncertin e festës së birrës.