Nga Boldnews.al
Një nga zonat më të bukura të Tiranës, është Liqeni i Farkës. Por, kohët e fundit, oligarkët ia kanë vënë syrin kësaj zone, ndërsa kanë filluar të ndërtohen rezidenca luksoze banimi. Nga ato vilat mbi 200 mijë euro, ku vetëm një dotë njerëzish mund t’i blejë.
Koha e ka treguar se pas çdo investimi të Bashkisë së Tiranës qendrojnë biznesmenë të fuqishëm. Siç ishte lulishtja të Blloku Ambasadave, prishja e “7 Xhuxhave” dhe ndelërtimit të disa lodrave mbi beton. Apo edhe plani për “Grand Kafenë” te Kodrat e Liqenit Artificial apo edhe rrugët në afërsi të pallateve shumëkatëshe që po mbijnë si kërpudha. Dhe, kur Tirana është bërë e pajetueshme me beton dhe pallate, Veliaj i ka vënë syrin zonave përreth? Por, përse Liqeni i Farkës? Apo për të kënaqur oligarkët që kanë filluar të ndërtojnë në atë zonë!
Sipas dokumenteve që disponon BoldNews.al, Bashkia e Tiranës ka hapur një tender me objekt “Parku i Liqenit të Farkës, një Pol Rekreativ për Tiranën”. Vlera e tenderit është 25.074.025 lekë, ose me TVSH rreth 300 mijë USD. Bashkia thotë se fondi është vënë në dispozicion nga buxheti i bashkisë, ndërsa fituesi ka 8 muaj kohë për të kryer punimet. Tenderi do të zhvillihet në mes të muajit gusht, kur e gjithë vëmendja e qytetarëve është te pushimet, ndërsa do të synohet që të kryhen me shpejtësi këto punime. Sipas dokumenteve shoqëruese, Bashkia e Tiranës e pranon se “gjëndja egzistuese e parkut të liqenit të Farkës është e mirë dhe me një natyrë shumë të
pasur, mjaft premtuese për potencialin që ka”. Më tej sqaron se natyra është e paprekur dhe ka nevojën e një infrastrukture të mirfilltë me standartet europiane, e cila do vazhdojë t’i ruajë vlerat natyrore dhe në të njëjtën kohë e përmirëson dukshëm atë.
Nëse Veliaj do ta kishte seriozisht për Parkun e Liqenit të Farkës, përse ka dhënë dhjetëra leje për rezidenca banimi. Madje, shumë afër edhe bregut të Liqenit, duke prishur natyrën, atë çka punonjësit e Veliajt e konsiderojnë “të paprekur”. Dhe, duke hulumtuar dokumentet shoqëruese të këtij tenderi, vërejmë se investimi do të kalojë pikërisht në afërsi të këtyre rezidencave private.
Në dokumentet e Bashkisë së Tiranës shkruhet se Liqeni i Fsrkës do të bëhet një ateaksion në të afërt dhe se “Bashkia Tiranë do të vlerësonte mbështetjen dhe ekspertizën e partnerëve të saj të besueshëm, në mënyrë që të zhvillojë më tej ambiente të reja që përqendrohen në mobilimin urban”. Por, a do të ishte ideale që këtë natyrë ta lëjë në të njëjtën gjendje që është sot.
Vizitorët e Parkut të Liqenit të Farkës nuk shkojnë për mobilimin urban. As për fshatrat apo rrugët e betonit. Ata shkojnë për atë që është sot. Kështu, që Lali Eri, larg duart nga Liqeni i Farkës. Të paktën, në këtë rast mos vepro. Boll ke vepruar me Liqenin Artificial, ku pasi ndërtove një pedonale, dhe me qindra leje ndërtimi për pallate në zonën e gjelbër. Mjafton që shkosh në Sauk dhe do të shikosh që ndertimet kanë zënë një pjesë të mirë të kurorët së gjelbër.
DENONCO