Rron Broja u zyrtarizua te skuadra e Dritës duke e vazhduar karrierën në Kosovë. Mesfushori 25-vjeçar bëri paraqitje shumë të mira te Partizani gjatë tri viteve si “dem i kuq”, por gjatë kësaj vere nuk u vazhdua bashkëpunimi mes palëve.
Në një intervistë ekskluzive për “Panorama Sport”, Broja flet për transferimin e tij te Drita, për aventurën te Partizani dhe disa tema të tjera. Sa i takon arsyes se pse erdhi “divorci” mes tij dhe klubit, Broja nuk pati koment.
Rron, shumë urime për transferimin tuaj te Drita. Pse pikërisht kjo zgjedhje?
Faleminderit shumë. Kam pasur shumë oferta në tavolinë gjatë kësaj periudhe, si nga ekipet në trojet shqiptare, ashtu dhe nga jashtë. Pasi jam menduar mirë dhe kam parë të gjitha alternativat me kujdes, vendosa t’i bashkohem Dritës.
Pas tri vitesh si “dem i kuq”, vendosët të mos vazhdonit më me Partizanin. Si është e vërteta, i kujt ishte vendimi për t’u larguar?
Largimi im nga Partizani erdhi me marrëveshje të dyanshme, me dakordësi.
Kishte kërkesë për rinovim nga klubi?
Nuk dua ta komentoj këtë pjesë. Jeni në kulmin e karrierës tashmë në moshën 25- vjeçare.
Mund të ishte transferuar Broja në një ekip tjetër jashtë trojeve shqiptare?
E kuptoj pyetjen dhe më duhet të them që po, i kisha mundësitë për të luajtur edhe jashtë trojeve shqiptare. Por, ofertat që kisha nga jashtë, nuk ishin shumë serioze dhe siç e thashë edhe më lart, jam menduar mirë dhe i kam studiuar të gjitha alternativat me kujdes për të vendosur më pas përfundimisht.