Policia e Shtetit njoftoi sot se një vajzë e re humbi jetën si pasojë e rënies nga lartësia. Viktima është identifikuar si Klaudia Pajo, 27 vjeçe.
Ngjarja ka ndodhur rreth orës 15:00 në zonën e njohur si Pallati me Shigjeta në Tiranë.
Nga raportimet mësohet se vajza ka rënë nga tarraca e pallatit, ndërsa dyshimet janë se ajo mund të jetë vetëhedhur.
Vajza banonte në pallatin ngjitur me atë ku kishte hipur në tarracë. Mësohet se ajo ishte mjeke tek spitali ushtarak.
Grupi hetimor po punon për sqarimin e rrethanavr të ngjarjes.