Gjermania dhe Franca injorojnë thirrjen e OBSH-së, do ta japim dozën e tretë të vaksinës

Gjermania dhe Franca kanë injoruar vendimin e OBSH dhe do të vijojnë me dhënien e dozës së tretë të vaksinës Covid-19 nga shtatori.

Presidenti francez, Emmanuel Macron, tha se Franca është duke punuar për ta dhënë dozën e tretë të vaksinës për të moshuarit dhe personat e ndjeshëm nga shtatori.

“Ka gjasë që doza e tretë do të jetë e nevojshme, jo për të gjithë menjëherë, por për çdo rast për ata që janë më të ndjeshmit dhe më të moshuarit”, ka thënë presidenti francez në llogarinë e tij në Instagram.

Ndërkohë Ministria e Shëndetësisë e Gjermanisë tha se synon që dozën e tretë t’ua japë personave të moshuar dhe banorëve të shtëpive të kujdesit duke filluar nga shtatori.

Drejtori i Organizatës Botërore të Shëndetësisë, Tedros Adhanom Ghebreyesus, bëri thirrje që të mbahen pezull planet për dozën e tretë deri në fund të shtatorit, duke thënë se është e papranueshme që shtetet e pasura të shfrytëzojnë më shumë vaksina.

LEXO EDHE  Talebanët, urdhër berberëve: Mos u shkurtoni mjekrën burrave!

E kuptoj shqetësimin e të gjitha qeverive për t’i mbrojtur popujt e tyre nga varianti Delta, por nuk mund të pranojmë që shtetet që tashmë e kanë përdorur shumicën e dozave globale të përdorin edhe më shumë”, është shprehur ndër të tjera ai.

Gjermania e kundërshtoi këtë akuzë, duke thënë se do të dhurojë së paku 30 milionë doza për shtetet më të varfra.

LEXO EDHE:

OBSH bën thirrje për ndalje të përkohshme të programeve të përforcimit të dozave kundër Covid, ja arsyeja