Banorët e fshatit Lumas në Kuçovë kanë hyrë sot në ditën e dytë të grevës së urisë dhe dy prej tyre janë në gjendje të rënduar shëndetëore duke shfaqur shenja të hipertensionit(tensionit të lartë).
Njëri prej tyre është i sëmurë kronik dhe mjeku Erjon Sula i ndodhur në vendngjarje u shpreh se greva duhet të ndërpritet menjëherë dhe ata të pinë ilacet pasi shëndeti i tyre është në gjendje kritike.
Banorët e Lumasit nisën grevën një ditë më parë dhe i drejtuan një letër krerëve të shtetit ku kërkuan tu plotësosheshin 4 pika që përfshinin pezullimin e punimeve për ndërtimin e ujësjellësit me burimin e Sinecit, shkarkimin e Drejtorit të Drejtorisë Vendore të Policisë Berat Edmond Targaj i cili sipas tyre i ka dhunuar, pezullimin e punimeve për ujësjellësin, pezullimin nga detyra dhe hetimin e Drejtorit të Policisë së Shtetit Ardi Veliu dhe një takim me kryeministrin e vendit Edi Rama, raporton Faxnews.
5 prej banorëve që kanë nisur grevën e urisë në temperatura ekstremisht të larta, kërkojnë pezullimin e Ardi Veliut, i cili sipas tyre ka urdhëruar dhunën që kanë ushtruar ndaj tyre efektivët. Banorët protestojnë prej mbi 3 muajsh dhe përplasjet me policinë kanë qenë të shpeshta. Banorët madje pretendojnë se janë dhunuar nga policia e shtetit.
DENONCO