Nga Boldnews.al
Në Fier, për një javë ndodhi një “Çërnobil mjedisor” kur mbetjeve të qytetit iu vu zjarri në landfill, duke shkaktuar një situatë mjaft të rëndë, ku edhe plehrat mbanin “erë Rilindje”. Askush nuk mbajti përgjegjësi, ndërsa banorët e zonës ankoheshin me veten me humndër e zëna me duar nga era e rëndë, por qoftë edhe një orë të vetme nuk protestuan para bashkisë së qytetit.
Edhe dy deputetët “Façebook dashës” Erion Braçe dhe Petro Koçi nuk denjuan të shkruan dy rreshta reagim. Me Fierin e ka zgjudhur qeveria këtë punë, se vërtetë të helmon me djegien e mbetjeve, por kanë një vend ku të kurohen, në Spitalin dhuratë nga miku i kryeministrit tonë, presidenti turk Rexhep Taip Erdogan.
Ndodhi në Fier, aty ku qeveria jonë ka dhënë 28 milionë euro për një incinerator i cili nuk ka nisur kurrë punë, ndonëse janë dhënë kaq shumë nga taksat tona. Aty nuk mban vetëm era ndotje, por një aromë alleshverishi të tmerrshëm që përhapet me shpejtësi marramendase, nga Fieri lokal, në zyrat qëndrore të Tiranës.
Nuk është vetëm çështja e Fierit, pasi mbetjet po zënë frymën edhe në Durrës dhe Kavajë, dy zonat turistike që i kanë pritur pushuesit me koktejl dioksine dhe monksid karboni, të cilat kur bashkohen nxjerrin një “pije” të shtrenjtë që quhet korrupsion…
Tashmë në mandatin e tretë po kërkohet çdo formë për të futur duart në arkën e shtetit, për të hapur tendera abuziv, pavarësisht se kur vjen çështja tek plehrat në mes është jeta e qytetarëve që këto ditë të nxehta vere u duhet të thithin me dhunën e qeverisjes lokale dhe qëndrore erën e plehrave, të djegura apo ashtu pirg si mal.
Kryeministri qëmton foto nga “perlat e Jugut”, madje kalon me eskortën e tij fare pranë lanfillit të Fierit, por ikën shpejt, pasi e di që pas atij tymi të zi shfaqet një “re e bardhë” mundësie për të nisur procedurat në dhënien e ndonjë konçesioni për oligarkët në ndërtimin e inceneratorëve.
Kreut të qeverisë i zuri syri si “snajper propaganda” dy ambalazhe të çokullatave të hedhura përtokë në Vlorë për të bërë “rezil” kryebashkiakun Dritan Leli, por as nuk donte tia dinte për pirgjet masive të plehrave në Durrës dhe Kavajë, apo për tymin kanceroz që për një javë u fut në mushkëritë e qytetarëve të Fierit dhe rrethinave përreth.
Ky është mandate i tretë dhe “Rilindja e plehrave” është mundësi që drejtuesit e lartë qëndror dhe lokal për veten të nuhasin paranë, ndërsa qytetarët detyrohen të nuhasin erën e rëndë të plehrave.