Meghan Markle feston 40-vjetorin e lindjes, ja urimet që mori nga familja mbretërore

Meghan Markle feston sot 40-vjetorin e lindjes e me këtë rast, Dukesha e Sussex ka marrë shumë urime përfshirë ato nga Mbretëresha, Kate Middleton dhe Princi William. Është mësuar se Meghan do të festojë në Shtetet e Bashkuara, por nuk dihen ende detaje për festën, shkruan “The Sun”.

Mbretëresha e uroi Markle me anë të një statusi të publikuar në “Twitter”, ku shkroi: “I uroj Dukeshës së Sussex gëzuar ditëlindjen sot!”. Postimi ishte shoqëruar me foto të Meghan dhe Princit Harry së bashku me djalin e tyre, Archie.

Në një tjetër foto, shihej Dukehsa së bashku me Mbretëreshën, një foto e realizuar në Chester në vitin 2018, ndërsa një foto tjetër tregonte Meghan së bashku me Archien në Afrikën e Jugut të realizuar në vitin 2019.

LEXO EDHE  Katër ditë pas ndarjes nga bashkëshortja, miliarderi nis romancën me vajzën 32 vite më të re

William dhe Kate shkruan në “Twitter”: “I urojmë gëzuar ditëlindjen e 40-të Dukeshës së Sussex!”.

Kujtojmë se kjo është ditëlindja e parë që Meghan do të festojë pasi hoqi dorë nga titujt mbretërorë në muajin mars, dhe dy muaj pasi u bë nënë për herë të dytë, duke sjellë në jetë vajzën Lilibet.