FOTO/ Dolli me uzo, ja ku po pushon ambasadorja Kim

Ambasadorja Amerikane, Yuri Kim, ka vendosur të kalojë disa ditë pushimi në jug të Shqipërisë.

Ndërsa në Tiranë ende zien politika për deklaratat e saj të fundit lidhur me ultimatumin për mosfutjen e ish-kryeministrit Sali Berisha në Parlamentin e ri, Yuri Kim ka vendosur të shkëputet disa ditë për të marrë energji të reja dhe ndalesa e radhës ka qenë fshati turistik, Vuno.

Në disa foto që ka postuar në Instagram, ambasadorja shihet me disa banorë të zonës, të cilët i kanë ngritur një dolli me uzo me kryediplomaten amerikane.

“Si shumë njerëz në Shqipëri dhe gjetkë në Evropë, unë jam duke bërë një pushim të shkurtër për t´u rikarikuar.
Shkova në Vuno për një kafe në sheshin e fshatit dhe përfundova duke pirë uzo me banorët.

LEXO EDHE  Vrau ish-gruan, publikohet letra e Elton Metaj: Unë shkrepa armën, por vrasjen e ka bërë babai i saj

Faleminderit Petro, Gjergj, Irakli, Armando dhe miq të tjerë të rinj që më ftuan të ndaj një pije dhe për një bisedë shumë të bukur. Unë e vlerësova mësimin për fshatin tuaj, ndarjen e pikëpamjeve për jetën në Shqipëri dhe bisedën për familjet tona.

Unë do ta mbaj premtimin tim për t’u kthyer në fshatin tuaj të bukur dhe për të vazhduar bisedën tonë. Faleminderit!”, shkruan ambasadorja amerikane.