SHBA bën kampionen në Tokyo duke dhënë më të mirën në çerekfinalen ndaj Spanjës në Lojërat Olimpike.
SHBA-Spanjë ishte dueli kryesor çerekfinal në basketboll dhe ndeshja më e fortë mes ekipeve të mbetura në garë ku Damian Lillard dhe Kevin Durant u përplasën me Ricky Rubion dhe vëllezërit Gasol.
Teksa përballja ishte e ekuilibruar në dy periodat e para, SHBA bënë diferencën në dy periodat e tjera duke marrë avantazhin ndaj iberikëve të cilët kishin një Ricky Rubio të jashtezakonshëm i cili me 38 pikë të shënuara nuk arriti të shmangte humbjen e Spanjës.
Sfida përfundoi me rezultatin 95-81 për Dream Team teksa Kevin Durant ishte tepër deçiziv me 29 pikë sidomos në periodën e fundit kur edhe Spanja pati një black out.
Tashmë SHBA avancon në gjysmëfinale ku e pret Australia ndërsa Spanja, fituesja e medaljes së bronztë në Lojërat e Rios, mbetet pa medalje në Olimpiadën e Tokyos.
Ndërkohë që edhe Slovenia arriti çerekfinalen pasi dominoi totalisht Gjermaninë me rezultatin 94-70 dhe në gjysmëfinale do të presë Francën me këta të fundit që triumfuan ndaj Italisë./oranews
