Situata në Qarkun e Gjirokastrës duket se ka dalë jashtë kontrollit përsa i takon zjarreve. Një person, i identifikuar si Andrea Haxhiaj ka humbur jetën, ndërsa nga raportimet mësohet se disa banorë të fshatit Asim Zeneli, kanë pasur probleme të shkaktuara nga tymrat (asfiksi) apo kanë pësuar plagë djegieje, në përpjekje për të mbrojtur banesat apo bagëtitë.
Strukturat e Emergjencës Civile dhe ato të FA po kryejnë evakuimin e banorëve të zonave më të rrezikuara, ndërsa po punohet për krijimin e kordonit.
“Këtu është shumë keq situata. Po digjet vreshatat, lopët e fshatit. Është shumë keq situata. Nuk ka persona të plagosur. Ka 40 minuta që digjet fshati. S’kanë ardhur zjarrfikësit. Kemi njoftuar por nuk kanë ardhur. Është djegur një shtëpi e vjetër. Toka, vreshta. Është shumë keq situata. Kam motrën atje, se unë nuk jam vetë atje momentalisht. Ju lutem ndihmojini”, thotë një nga banorët.