Nuk kontrollon dot zjarret në vend, por Peleshi i Ramës shpreh solidaritet me Turqinë

Ministri i Mbrojtjes Niko Peleshi, teksa ka folur sot nga Pashalimani për situatën e zjarreve, u shprehumjaft i shqetësuar për flakët në Turqi dhe në Greqi.

“Shpresojmë që zjarri të fiket brenda ditës së sotme, dua të them dy tre fjalë dhe për të informuar publikun, dua të solidarizohem dhe me vendet tona fqinje, me Greqinë dhe Turqinë. Veçanërisht Turqinë, ku ka pasur dhe humbje jete, dhjetra shtëpi të djegura, solidarizohemi me ta, dhe shprehim ngushëllime për situatën.

Derimë tani ne e konsiderojmë situatën të suksesshme, pasi nuk kemi pasur dëme në njerëz, dhe as banesa të djegura”, tha Peleshi, ndërsa shtoi se për t´u vlerësuar janë të gjithë ushtarët që kanë ndihmuar në terren për shurajen e flakëve.

LEXO EDHE  Nard Ndoka: Dorëheqja do të ishte kapak floriri për Bashën

“Janë të rinj dhe të reja, me qindra, në gadishmëri, të cilët pa iu thënë askush faleminderit, bëjnë punën e tyre shumë pranë rrezikut, dhe shumë pranë sakrificës”, shtoi Peleshi.

Prej ditësh territore të tëra në vend ndodhen nën pushtetin e flakëve dhe pamjet që transmetohen qoftë në rrjetet sociale ashtu edhe media, tregojnë ushtarë apo policë që mundohen të fikin zjarret me mjete rrethanore, pasi pajisje nuk kanë.