Një konflikt në Tropojë ka përfunduar me plagosjen e një 43-vjeçari. I lënduari është goditur me thikë dhe ndodhet në gjendje të rëndë shëndetësore. Tre persona, pjesë e një familje, janë shpallur në kërkim lidhur me plagosjen që sipas policisë, ka ndodhur në aksin rrugor Lekbibaj- Fierzë për motive të dobëta.
N.M., 45 vjeç, Gj.M., 23 vjeç, A.M., 22 vjeç, banues në fshatin Tetaj, janë shpallur në kërkim.
Policia njoftoi se në aksin rrugor Lekbibaj- Fierzë, këta shtetas, në bashkëpunim me njeri – tjetrin, dyshohet se pas një konflikti të çastit për motive të dobëta, kanë plagosur me thikë P.Gj., 43 vjeç, banues në fshatin Fierzë. Ky i fundit është dërguar për mjekim më të specializuar në Spitalin e Gjakovës.
Gjithashtu, i kanë dëmtuar me gurë automjetin tip “Volkswagen”.
Ndaj autorëve rëndojnë akuzat për veprat penale: “Mbajtja pa leje e armëve të ftohta”, “Plagosja e rëndë me dashje”, “Shkatërrimi i pronës”, në bashkëpunim.