Jurgen Bardhi i ka dhënë sot zyrtarisht lamtumirën Partizanit, duke vazhduar karrierën e tij në kampionatin turk. Futbollisti, pa kaluar 24 orë nga ndeshja ndaj Bazelit, ka udhëtuar drejt Turqisë duke u bashkuar me klubin e Tuizlaspor. Një lamtumirë pas 7 vitesh të kaluara te ekipi i parë i Partizanit të cilin klubi i kuq e ka kujtuar me një video të veçantë.
Në rrjetet sociale është publikuar një video me debutimin e Bardhit me skuadrën e parë, në vitin 2014, e më pas shfaqeshin disa nga magjitë e mesfushorit, aftësitë e tij teknike duke kaluar kundërshtarët, ndërsa nuk harroheshin edhe golat e rëndë, sidomos ato në derbi.
“Faleminderit Jurgen”, shkruhej në këtë video, duke kujtuar kontributin e jashtëzakonshëm të mesfushorit i cili ndihmoi të kuqtë të ktheheshin përsëri në majat e futbollit shqiptar.