Kujdes nesër, temperaturat arrijnë deri në 42 gradë/ Ja zonat më problematike

Nesër pritet të ketë një rikthim të motit ekstremisht të nxehtë, ku temperaturat në disa qytete të vendit do të arrijnë vlerat deri në 42 gradë/celsius, ndër të cilat përmendim Elbasanin, Gjirokastrën dhe Beratin.

Sipas meteorologut, Hakil Osmani nga ‘Meteoalb’, temperaturat e larta do të jenë prezente edhe në zonat bregdetare, ku do të kapin vlerën e 37-38 gradëve, ndërsa në zonat malore pritet të ketë po ashtu temperatura të larta, duke pasur parasysh karakteristikat e këtyre zonave, që do të kapin vlerën e 35-36 gradëve.

LEXO EDHE  Lamtumira gjermane për “kancelaren e krizave” Angela Merkel

Osmani bën me dije se zonat më të freskëta do të jenë ato në juglindje të vendit, ndërsa bëri me dije se në zonat malore do të ketë edhe reshje shiu, kryesisht në majat e larta.

Gjithashtu Kosova dhe Maqedonia do të jenë në ndikimin e masave ajërore të qëndrueshme ku temperaturat në Kosovë do të shkojnë në 39 gradë dhe në Maqedoninë e Veriut deri në 40 gradë.