I shpallur në kërkim ndërkombëtar nga sllovenët, arrestohet në Shqipëri 38-vjeçari/ Detajet

Një 38-vjeçar, Pavle Lazarovski, i shpallur në kërkim ndërkombëtar, u kap në pikën e Kalimit Kufitar në Qafë Thanë, falë bashkëpunimit të Interpol Tiranës me Interpol Slloveninë.

Sipas një njoftimi zyrtar të Policisë së Shtetit, 38-vjeçari u arrestua me qëllim ekstradimi drejt Sllovenisë.

“Shërbimet e Stacionit të Policisë Kufitare Qafë Thanë si rezultat i shkëmbimit të vazhdueshëm të informacioneve mes ZQK Interpol Tirana, në hyrje të Republikës së Shqipërisë, bënë të mundur arrestimin me qëllim ekstradimi drejt Sllovenisë të shtetasit P. L., 38 vjeç, banues në Vales, Maqedonia e Veriut.

LEXO EDHE  I dënuari në Itali për trafik heroine, prej vitesh doganier në Durrës

Nga verifikimet e kryera rezultoi se Autoritetet Gjyqësore Sllovene, kishin lëshuar për këtë shtetas urdhër arresti ndërkombëtar për veprën penale “Vjedhja”.

Veprimet procedurale u kryen nga specialistët për Hetimin e Krimeve në Komisariatin e Policisë Pogradec. Interpol Tirana vijon procedurat për ekstradimin e tij drejt Sllovenisë”, thuhet në njoftimin zyrtar.