Partizani humbet sërish me Baselin, eliminohet nga Liga e Konferencës

Partizani dorëzohet edhe në ndeshjen e dytë ndaj Baselit. Në “Elbasan Arena”, edhe pse të kuqtë u përpoqën të bënin diçka ndryshe u mundën nga Baseli me rezultatin 2-0 duke mbyllur aventurën në Europën e vogël të Conference League.

Skuadra e Dajës tenton të bëjë disa aksione të rrezikshme por eksperienca e Baselit bën diferencën dhe në një moment përgjumje të mbrojtjes së të kuqve, Stocker kalon në avantazh miqtë në 38’.

Menjëherë në pjesën e dytë në minutën e 50’, Basel gjen golin e dytë duke i dhënë një goditje Partizanit dhe duke mbyllur ndeshjen e cila në minutat e mbetura humbet edhe ritmin.

LEXO EDHE  Nagelsmann shuan “ëndrrën” e tifozëve të Bayern: Nuk e di nëse i kemi paratë për…

Gjithsesi mbyllet këtu aventura e Partizanit në Conference League, me të kuqtë që ishin të pafatë që kur u shortuan me një ekip si Baseli.

Gjithashtu mbyll aventurën në Europë, Shkëndija e Tetovës që zhgënjeu totalisht dhe ku pritej shumë prej tyre në këtë raund.

Edhe në ndeshjen e dytë, djemtë e Ernest Gjokës u mundën në shtëpi nga letonezët e Rigës, një rival që mund dhe duhej të kalohej por që peshoi shumë disfata e parë 2-0 në transfertë.