Sherr mes kushërinjve, një i vrarë tre të plagosur (Emrat)

Foto nga vendngjarja

Një person ka mbetur i vdekur dhe tre të tjerë janë plagosur pas një konflikti për motive pronësie në Lushnje.

Burimet paraprake nga policia bëjnë me dije se viktima është Romeo Hasalla, ndërsa të plagosur kanë mbetur Shaip, Laert dhe Emiljano Hasalla.

Autorë të ngjarjes dyshohet se janë Kastriot Hasalla dhe vëllai i tij Afrim.

Palët janë kushërinj mes tyre.

Ngjarja
Sipas policisë, ngjarja ndodhi rreth orës 06:30 në fshatin Garunjas, njësia administrative Bllagat-Lushnje.

Pas një konflkti për motive pronësie (për tokat) mes kushërinjve të parë, është qëlluar me armë zjarri dhe për pasojë Romeo Hasalla 30 vjeç humbi jetën. Të plagosur mbetën vëllezërit dhe i ati i viktimës: Shaip Hasalla, 65 vjeç; Laert Hasalla, 31 vjeç; Emiljano Hasalla, 31 vjeç.

LEXO EDHE  Aksident në aksin Elbasan-Peqin, makina përplas biçikletën

“Menjëherë në vendngjarje kanë shkuar forcat e Policisë dhe kanë shpallur në kërkim autorët e dyshuar, shtetasit Kastriot Hasalla dhe vëllain e tij Afrim, 33 vjeç. Grupi hetimor nën drejtimin e Prokurorisë po punon për zbardhjen e rrethanave të ngjarjes dhe dokumentimin e plotë të saj”, njoftoi policia.

Lexo edhe:

Krimi në Lushnje/ Flet gruaja që i vranë djalin: Është toka ime…

Vrasja në Lushnje/ Shpallet në kërkim edhe një 20-vjeçar, gjendet arma e krimit

Vrasja në Lushnjë, ja kush është viktima /FOTO