Krimi në Lushnje/ Flet gruaja që i vranë djalin: Është toka ime…

Një ngjarje e rëndë tronditi mëngjesin e sotëm fshatin Garunjas në Lushnje, ku si pasojë e një konflikti mes familjeve të dy vëllezërve, mbeti i vrarë 1 person dhe u plagosën 3 të tjerë.

Nëna e viktimës Romeo Hasalla, ka thënë për gazetarët se djemtë e kishin mbjellë me ullinj tokën që ishte bërë shkak për sherrin dhe konflikti me kushërinjtë nisi për prishjen e tyre.

“Ajo është tokë-shtet. Çunat e patën mbjellë, është toka ime, vajtën atje dhe nuk di nëna më gjë. Për punë toke. Do ketë prishur ullinjtë që ka mbjellë çuni, vajtën me zetor për të prishur ullinjtë andej”, thotë mes lotësh nëna e viktimës.

Pas konfliktit mbeti i vrarë Romeo Hasalla 30 vjeç si dhe u plagosën dy vëllezërit e tij Laert dhe Emiljano Hasalla dhe i ati Shaip Hasalla 65 vjeç.

Familja u qëllua me çifte nga kushërinjtë e tyre të parë, vëllezërit Afrim dhe Kastriot Hasalla 33 vjeç. Ata janë shpallur në kërkim nga policia, pasi pas ngjarjes janë larguar në drejtim që ende nuk dihet.

LEXO EDHE  Rama, njeriu i Amerikanëve në Tiranë? Ja momentet kyçe kur u mbështet nga Kim dhe Palmer