Pas garimit të Loriana Kukës, xhudistët e Kosovës kanë mbyllur konkurrimin historik në Lojërat Olimpike të Tokios, me 2 medalje ari, duke bërë historinë.
Trajneri Driton Kuka ka bërë një postim në Facebook pas suksesit të jashtëzakonshëm të sportistëve që ai drejton, duke i quajtur ata “samurajët shqiptarë”.
“Medaljet olimpike për popullin shqiptar së shpejti do zbarkojnë në trojet shqiptare. Xhudistët e ekipit tonë, sot i përfunduan garat në Lojëra Olimpike. Dy Medalje të Arta! Ende po më duket si ëndërr e mirë 5 garues e dy të arta! Medaljet janë të krejt ekipit me protagoniste Disin e Noren! Ashtu siç ishte e arta e Majlindës. Ekipi jemi ne që stërvisim, gëzohem e qajmë së bashku në fitore e humbje, aty qëndron forca jonë e madhe”, shkruan ndër të tjera Kuka, trajneri i cili ka një meritë të jashtëzakonshme në këtë sukses të Kosovës.
DENONCO