Vrau me thikë prostitutën shqiptare, bashkëjetuesi pranon krimin: “E vrava nga xhelozia”

Kur kanë kaluar thuajse gjashtë muaj nga vrasja e prostitutës shqiptare në Itali Luljeta Heshta, bashkëjetuesi i saj ka vendosur të rrëfejë gjithçka.

Ai u arrestua për krimin e ndodhur dhe sipas asaj që raportojnë mediat italiane, mësohet se Alfred Kipe ka konfirmuar dhe ka pranuar se ishte ai autori i krimit më 7 shkurt të këtij viti. Ai vazhdon të jetë i arrestuar, ndërsa dje ka pranuar se e vrau gruan për motive xhelozie, raportojnë mediat italiane.

Që nga dita e vrasjes e deri më dje, gjatë gjithë kohës Kipe ka mohuar përgjegjësitë, por kamerat e sigurisë dhe tabulatet telefonike kanë zbuluar praninë e tij në vendin e krimit.

LEXO EDHE  Përplasje në PS? Gjiknuri paralajmëron Ballën: Mos hidh poshtë karrierën për kapriço personale

Kujtojmë se krimi i rëndë ndodhi në shkurt të këtij viti, ku prostituta shqiptare u vra thikë. Ajo mori 5 plagë, tre në shpinë dhe dy në këmbë. Luljeta, e njohur ndryshe edhe si Giulia, pati dy jetë. Një në Milano, ku ajo jetonte, me vajzën dhe burrin e saj. E dyta në kufirin midis Melegnano dhe San Giuliano, në rrethrrotullimin midis Binasca dhe rrugës për në Pedriano.