Vajza e Meghan Markle dhe Princit Harry, Lilibet Diana, është shtuar zyrtarisht në linjën mbretërore të trashëgimisë, shtatë javë pas lindjes së saj.
Faqja zyrtare Royal.UK u azhurnua të hënën për të treguar Lilibet, si e teta në linjë për fronin britanik. Ky është një vend pas vëllait të saj të madh, Archie, 2, dhe dy prapa Princit Harry, i cili aktualisht është i gjashti në radhë për fronin e Mbretëreshës Elizabeth.
Meghan nuk duket në listë pasi nuk është mbretërore nga lindja, as Kate Middleton apo bashkëshortët e tjerë mbretëror si Mike Tindall dhe Sarah “Fergie” Ferguson.
Pozicioni i Lilibet në listë nuk është përfundimtar, pasi mund të ndryshojë nëse ndonjë nga fëmijët e William dhe Kate bëhen prindër në të ardhmen.
