“Delta” në Shqipëri, Tritan Kalo i drejtohet qytetarëve me një mesazh të rëndësishëm: Kujdes…

Infeksionisti i njohur Tritan Kalo u kërkon qytetarëve që të jenë shumë të kujdesshëm, të respektojnë masat kundër COVID-19 dhe të vaksinohen për të qenë të mbrojtur nga sëmundja, teksa alarmi rritet në kushtet që ministria e Shëndetësisë njoftoi dje se varianti “Delta” është zyrtarisht në Shqipëri.

Kalo shkruan se masat standarde të stërprovuara, maska, higjena personale e kolektive, si dhe distancimi social, nuk e kanë humbur aspak vlefshmërinë e tyre. Por mjeku i njohur vë theksin te vaksnimi, duke u shprehur se ky proces është dobiprurës, pasi ul mundësinë e infektimit, eviton format e rënda dhe hospitalizimet.

Postimi nga Tritan Kalo

“Kohë kovidiane…. 26.07.2021…..Nuku është kurrë vonë për t’u përkujdesur për shëndetin tuaj dhe të të gjithë atyre, të cilët gjallojnë rreth jush…..vetndërgjegjësim dhe vetëm vetndërgjegësim….Hyrja e variantit “Delta” të virusit Sars-Cov2/Covid-19 është në vijimësi të qarkullimit nëpër botë, edhe të varianteve të tjera që prej atij të Wuhan-it, nga ishte pikënisja e kësaj Pandemije ose “flame mbarëbotërore”……

Masat standarte të stërprovuara ndër dhjetra vite për uljen e vrullit dhe paksimin e humbjeve njerëzore, MHD (Maskë, Higjenë personale e kolektive, Distancim social) nuku e kanë humbur aspak vlefshmërinë e tyre KUR dhe aty KU është e mundur, që ato të zbatohen dhe respektohen…..

LEXO EDHE  Studimi: Koronavirusi ul jetëgjatësinë, ndikim më shumë tek burrat

Nëse mes nesh ka individë ose grupe individësh që ngurojnë të vaksinohen kundër virusit Sars-Cov2/Covid-19, së paku mos u bëni pengues për të tjerët, që ata/ato të përfitojnë nga dobiprurja e proçesit të vaksinimit, ulja e mundësisë së infektimit, kalimi i sëmundjes në forma më të lehta si dhe evitimi i hospitalizimeve në forma të rënda të sëmundjes, ose në më të keqen humbjen e jetës prej saj….

Jeta e çdo Shqiptari është e paçmimtë për të, për familjen e tij dhe për të gjithë Shqiptarinë…..Në çdo kohë NE jemi për JU në vijën e parë të “luftës me armikun e padukshëm”, që me Punën, Përkushtimin, Profesionalizmin dhe Përkujdesjen tonë t’ju vimë në ndihmë në përballjen tuaj me infektimin nga virusi Sars-Cov2/Covid-19…..Javë të mbarë miq, kolegë, të afërm dhe bashkëatdhetarë….. Together forever!!”.