Një çift i moshuarish dhe një vajzë e re ishin viktimat shqiptare për shkak të përmbytjeve në Gjermani. Mësohet se të tre viktimat ishin nga Kosova. Së fundmi është bërë me dije edhe identiteti i dy viktimave, çiftit të moshuar.
Ata janë Shaban e Raze Delija. Dy të moshuarit janë përcjellë ditën e sotme për në banesën e fundit në fshatin Zahaq të Pejës, ndërsa kryeministri, Albin Kurti, u dërgoi sot një telegram ngushëllimi familjarëve.
“Ju shpreh ngushëllimet e mia më të sinqerta dhe bashkëndjejë me ju në këto ditë të rënda dhimbjeje e pikëllimi për familjen tuaj”, ka shkruar kryeministri Kurti në letrën e ngushëllimit.
Vanesa Koxha nga Kaçaniku i Kosovës ishte viktima e tretë me origjinë shqiptare nga përmbytjet në Gjermani.
