Një tërmet me magnitudë 4,8 i shkallës Rihter ka tronditur ishullin grek-Kretë në orët e para të mëngjesit.
Sipas Institutit Gjeodinamik të Observatorit Kombëtar të Athinës, tërmeti u regjistrua në 05.07 (me orën lokale të Greqisë).
Epiqendra e tërmetit u lokalizua 23 kilometra në jug-juglindje të Heraklion. Vlerësohet se thellësia e tërmetit ishte 13,3 km. Deri më tani nuk ka raportime për të lënduar, apo dëme materiale.
