Historike! Kosova fiton të artën e parë në Tokio! Distria Krasniqi kampione në xhudo

Xhudistja nga Kosova Distria Krasniqi ka fituar medialien e artë në peshën deri në 48 kg në xhudo.

Kjo është medalja e parë në këto Lojëra Olimpike që po zhvillohen në Tokio për Kosovën dhe hera e dytë në histori që Kosova fiton një medalje olimpike, pas vitit 2016 në Rio, me xhudisten Majlinda Kelmendi.

Distria Krasniqi arriti të triumfojë duke mundur Gabriela Chibana. Më pas, në çerekfinale mundi me ‘ippon’ Chen Hao Lin. Në gjysmëfinale, Distria u takua me kundërshtaren Urantsetseg Munkhbat, të cilën arriti ta mposhtë gjithashtu edhe pse me pak vështirësi.

LEXO EDHE  Anglia në vështirësi për shoferë të kamionëve, pritet të japë viza pune të përkohshme për të huajt

Në finale, trumfoi ndaj japonezes Funa Tonaki, me pikë 1-0.

“Po ndihem shumë mirë, jam shumë e lumtur. Është medalje për vendin, për familjen, për gjithë ata që më kanë mbështetur. Ka qenë një luftë shumë e vështirë kundër japonezes, sepse Japonia e ka xhudon më të mirë në botë. Është fillimi, jam ende e re, pretendoi të marrë pjesë edhe në tri Olimpiada, do të vazhdoj të punoj”, tha Distria Krasniqi për RTK, pas fitores.