Shi apo diell gjatë fundjavës? Ja çfarë ju rezervon moti

E ndikuar nga masa ajrore të qëndrueshme me origjinë nga jugperëndimi, kjo fundjavë parashikohet me mot të kthjellët dhe orë me diell.

Sipas Shërbimit Meteorologjik Ushtarak, përjashtim të lehtë bëjnë vranësirat e pakta kalimtare në orët e mesditës në relievet malore.

Për ata të cilët do të parapëlqejnë një fundjavë pranë vijës bregdetare duhet të marin parasysh elementin e erës kryesisht për ditën e nesërme.

LEXO EDHE  Kuvendi i ndërpreu sinjalin, PD transmeton në FB mbledhjen e Komisionit Hetimor për zgjedhjet

Duke filluar nga orët e mesditës era do të fryjë relativisht e fortë me shpejtësi 3-7m/s dhe drejtim kryesor nga kuadrati i veriut.

Për ditën e Diel fortësia e erës bie dhe parashikohet me shpejtësi 1-3m/s, erë ideale për qëndrimin në bregdet.