Leonora Jakupi del në mbrojtje të shoferëve të Lamborghini-t dhe BMW-së që po ecnin me 225 km/h: Lërini të kënaqen

Dy shqiptarë nga Kosova, njëri me ‘Lamborghini’ e tjetri me ‘BMW’, ecnin dy ditë më parë me shpejtësi ‘skëterrë’ prej 225 kilometrash dhe nuk i ndaluan radarit të policisë në Fier. Pas ndjekjes, ata u kapën në hyrje të Vlorës dhe u gjobitën me 168 mijë lekë drejtuesi i “Lamborghini”-t dhe 120 mijë lekë drejtuesi i BMW-së.

Lidhur me këtë ngjarje kanë reaguar disa personazhe të njohur të ekranit, të cilët kanë reaguar ashpër ndaj dy shoferëve që ecin shpejt. Por ka edhe nga ata që dalin në mbrojtje të emigrantëve, duke thënë se nuk e meritojnë gjithë këtë sulm.

Një ndër to është edhe këngëtarja Leonora Jakupi e cila shkruan se ne nuk jemi më të mirë se ta dhe se duhet t’i lëmë të qetë të kënaqen në vendin e tyre, sepse në fund të fundit të gjithë paguajnë për gabimin e tyre.

LEXO EDHE  Martohet motra e Almeda Abazit, publikohen pamjet nga ceremonia madhështore

“Cka keni more me tan keto sulme per mergaten tone? Jo po garojne me vetura, jo po parkohen keq spo i respektojne rregullat ne komunikacion etj etj A mos jemi na ma mire se ata? Apo keni harru qe jemi brum i njejt? Leni njerezit le te kenaqen ne vendin e vet, teke fundit secili paguan per gabimin e vet! Gezuar Diasporë”, shkruan Leonora në reagimin e saj.