E rëndë/ Tentuan të “fluturojnë” me makinë mbi një kodër, humbin jetën 4 adoleshentët

Një aksident tragjik ka ndodhur në SHBA, ku si pasojë kanë humbur jetën 4 persona.

Mediat e huaja, bëjnë me dije se një 17-vjeçar tentoi të “fluturonte” me makinë mbi një kodër në Hickory Hills në Illinois të SHBA.
Makina e tij përfundoi duke u përplasur me një makinë tjetër dhe u nda më dysh, e si pasojë 4 adoleshentët që e shoqëronin humbën jetën.

Në një deklaratë për mediat vendase, policia lokale tha se adoleshenti akuzohet për vrasje nga pakujdesia.

Automjeti, një Mercedes SUV 2008, po udhëtonte në rrugën e 89-të, me një shpejtësi ekstremisht të lartë, në atë që ne besojmë se ishte një tentative për të fluturuar mbi majën e kodrës së 86th Avenue”, tha policia në deklaratë.

Nga aksidenti humbën jetën Omarion Rieves dhe Nathaniel Phillips, të dy 17 vjeç, Destiny M Giera, 16 vjeç dhe Jemerrio X Rieves, 15 vjeç.

LEXO EDHE  Infeksionet e reja në mesin e të vaksinuarve? Ja si shpjegohet ky “paradoks”

Brenda në automjet ndodheshin 6 persona, 2 prej të cilëve, shoferi dhe një tjetër i mbijetuan aksidentit dhe u dërguan drejt spitalit për mjekim.

Sakaq policia ka nisur hetimet në lidhje me ngjarjen.