Humbja me Baselin, trajneri Daja tregon pengun: Mund t’ia kishim bërë dhuratë vetes

Trajneri i Partizanit, Ilir Daja, e ka pranuar se përballë Bazelit, skuadra e tij e kishte merituar këtë humbje pasi kundërshtari kishte qenë i një niveli superior.

Të kuqtë krijuan raste por nuk arritën të konkretizonin, ndërsa cilësitë individuale të kundërshtarëve bënë diferencën duke sjellë një rezultat 3-0 që lë pak vend për diskutim.

Ndaj pas sfidës, trajneri ka pranuar se kundërshtari ishte superior dhe e meritoi fitoren, por kishte një peng që skuadra e tij nuk kishte dalë nga kjo ndeshje me një gol të shënuar.

LEXO EDHE  Nuk arriti të bindë trajnerin Daja, futbollisti rikthehet te Dinamo

“Fitorja e Bazelit ishte e merituar, por ne mund t’i dhuronim vetes një gol”, tha Daja pas sfidës për mediat e pranishme pas duelit të parë me skuadrën zvicerane.