Vaksina nuk të bën imun nga infektimi i Covid 19 apo Delta, por krijon antitrupa për ta kaluar më lehtë. ISHP konfirmon sot, se 10 % e infektimeve të ditëve të fundit janë persona që kanë marrë një apo të dyja dozat e vaksinës. Sipas epidemiologut të Artan Simaku, personat e vaksinuar që janë infektuar në të gjitha rastet kanë pasur simptoma të lehta dhe nuk ka nevojë për hospitalizim.
10 % e personave të infektuar së fundmi nga Covid 19 janë raste që janë vaksinuar me një apo të dyja dozat e vaksinave. Lajmi është konfirmuar nga epidemiologu i ISHP-së, Artan Simaku, i cili shtoi se pavarësisht infektimit, në rastet e vaksinuara, Covid 19 kalohet më lehtë apo pa simptoma dhe nuk kanë nevojë për hospitalizim.
Epidemiologu ka theksuar se në vjeshtë do të mbizotërojë variant Delta dhe pritet një rritje intensive e rasteve te reja me Covid-19. Ndërkohë ende nuk ka konfirmime zyrtare sa I takon mutacionit të virusit dhe pranisë së tij në vend.
Simaku është shprehur se nga laboratori I referencës në Gjermani ku janë dërguar edhe mostrat për analizim ende nuk ka një përgjigje.
Gjatë 24 orëve të fundit rastet e reja u rritën ndjeshëm duke u 3 fishuar, epidemiologu u shpreh se 5% e rasteve të reja janë si pasojë e sezonit turistik. Persona të huaj që kanë ardhur në vendin tonë për turizëm. /Syri Tv/
DENONCO