‘Seriali’ shqiptar bën grabitje spektakolare në Athinë, me kapele dhe revolver hyn në bankë e i merr paratë arkëtarit (Video)

Një grabitje si në filma ka ndodhur ditën e djeshme në një bankë në lagjen Peristeri të Athinës.

Autor ishte një 42-vjeçar shqiptar i cili ishte arratisur nga burgu prej janarit të 2020. Në videon e publikuar nga mediat greke duket momenti kur shqiptari shkon tek arkëtari, e kërcënon me pistoletë dhe i merr paratë.

Më pas ai u largua me ndihmën e një shoferi grek 58-vjeçar të cilin e kishte bashkëpuntor. Policia greke u vendos në ndjekje, por pavarësisht rezistencës së tyre mundi ti arrestojë.

LEXO EDHE  "Trualli te Teatri, Erion Braçe i pari që do shkojë në SPAK", paralajmërimi i aktivistes

Shqiptari ishte arratisur nga një burg rural në janar të vitit 2020 pasi ishte dënuar me 28 muaj burg për vjedhje, rezistencë, plagosje të rëndë e hyrje të paligjshme në Greqi.

Po ashtu ai ishte në pritje të një urdhër-arresti pasi akuzohet se ka kryer një vjedhje me armë në një dyqan në Mesini dhe të një dënimi prej 3 vite burg për vjedhje.