Petro Koçi analizon zgjedhjet në Fier, zbulon armiqtë: PD u rrit, partia e Metës na mori vota

Petro Koçi, i cili më 25 prill mori mandatin e deputetit në Qarkun e Fierit, ka bërë një analizë paraprake mbi rezultatin zgjedhor në këtë qark.

Koçi në analizën e tij në rrjetet sociale shprehet se Fieri si bashki arriti rezultatin më të mirë në rang qarku, ndërsa vlerëson angazhimin e strukturave partiake, por edhe atë të Kryebashkiakut Armando Subashi.

“Rajoni i drejtuar nga A.O përcaktoi koordinatorët më të mirë siç ishte B.C etj. Pati ndonjë tjeter si F.E që koordinatorët i caktoi për dekor politik, për meritat që do duheshin pas beteje siç ishte rasti i E.S.

Kryetari i bashkisë gjithashtu u angazhua fort në aktivitetet elektorale në gjithë territorin tonë politik si edhe në aktivitetin organizativ para fushatës. (Ky vleresim ska lidhje me reagimet e hutuara te koheve te fundit ndaj vleresimit tim politik se në Fier ka zgjatje të duarve të krimit drejt financave publike dhe ku ska asnjë akuzë emërore)”, shkruan Koçi.

LEXO EDHE  Tetë vjet me sytë nga Al Hol, 5 fëmijë të familjes Shuli nga Pogradeci ende në kamp

Në vijim ish-zv.ministri i Mbrojtjes shpreh kritika lidhur me performancën e administratës, duke evidentuar si problematikë sektorët si arsimi apo kadastra, që sipas tij, kanë vlerësime negative, duke u kthyer në kosto politike për PS.

Gjithashtu Koçi analizon edhe rritjen e PD në numër votash. Sipas tij, bashkimi PD-PDIU në Fier dhe përpjekjet për të përmbysur rezultatin brenda listës se PD dha efektet kryesore.

“Nese votave të saj i shtojmë perqindjen e logjikshme të votave të pavlefshme në rang bashkie atëherë ajo ka një shtese prej 4000 votash. Ne fakt rreth 3000 prej tyre jane ato që ka humbur LSI.

Nderkohe një dorë të fortësh në Fier që punuan për partine e Metës arritën të na shkëpusnin vota të konsiderueshme në disa qendra votimi”, shkruan Koçi