7 persona janë përfshirë në një konflikt me njëri-tjetrin për motive të dobëta, në Tiranë.
Policia bën me dije se janë arrestuar 2 persona dhe janë proceduar penalisht 2 të tjerë.
Mësohet se në pranga kanë rënë: S. M., 49 vjeç dhe E. M., 21 vjeç, si dhe kanë nisur hetimet për A. M., 20 vjeç dhe B. M., 16 vjeç.
Këta persona goditën me sende të forta shtetasit R. Xh., 22 vjeç, E. M., 20 vjeç dhe S. Gj., 53 vjeç, të cilët kanë marrë plagë të lehta dhe janë dërguar në spital ku po marrin kujdesin e duhur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
