Akuzohet për abuzime seksuale me fëmijë, arrestohet futbollisti i Everton

Një futbollist i cili luan me një nga skuadrat pjesëmarrëse në Premier League është arrestuar pasi dyshohet se ka kryer abuzime seksuale me të mitur.

31-vjeçari, emri i të cilit nuk është bërë publik për arsye ligjore, u ndalua të premten nga Policia e Mançesterit. Ai është pjesë e skuadrës së Everton dhe sipas mediave britanike është i martuar.

LEXO EDHE  ‘Tokio 2020’/ U kualifikua në finale, Luiza Gega bën postimin emocionues

Në një deklaratë, klubi konfirmoi arrestimin dhe gjithashtu pezullimin e lojtarit, ndërsa shprehu mbështetje për autoritetet dhe hetimet që po kryejnë.

Sipas mediave britanike bëhet fjalë për një lojtar me emër, që ka edhe përvojë me skuadrën e tij kombëtare, por nuk dihet ende se për cilin lojtar bëhet fjalë.