Kryebashkiaku i Tiranës, Erion Veliaj, çdo ditë e më shumë, provon se është një politikan me dy fytyra, ku herë shfaqet si njeriu i dhembshur dhe i vuajtur, dhe njëherë si arrogant dhe frymëzues i dhunës.
Sot, në festën e Kurban Bajramit, Lali Eri shfaqi fytyrën që jep show, atë të Kryebashkiakut të përkushtuar dhe të dhembsur, veçanërisht ndaj moshës së tretë, apo pensionistëve.
Veliaj u shfaq duke servirur pjatat me ushqime, gjithçka për efekt propogandistik.
I njëjti Kryebashkiak deri më sot nuk ka reaguar ndaj rasteve të dhunës nga Policia Bashkiake e tij, të paktën në dy raste brenda 1 jave, ndaj të moshuarve.
Rasti i parë ishte një burrë i moshuar, që policët e Veiajt e goditën, e rrëzuan në tokë, madje i flakën edhe shkopin në të cilin mbahej kur ecte.
Rasti i dytë ishte i një nëne, të cilës policët e Veliajt i shkelën me këmbë ato pak qese me perime, që kishte vendosur ti shiste në Tiranë.
Në asnjë nga rastet, Kryebashkiaku nuk reagoi, të paktën edhe formmalisht për të dënuar aktet e dhunës.
Sot ky Kryebashkiak zgjodhi një festë fetare për të treguar atë fytyrën tjetër, duke dhënë show dhe ndoshta për të rregulluar disi imazhin e dëmtuar nga dhuna e vartësve të tij ndaj të moshuarve.
Erion, po ato dy të moshuarit që i dhunuan policët e tu, ishin në drekën e shtruar për Kurban Bajram?
