Autobusi përplaset me Land Rover-in, humb jetën 1 person

Drejtuesi i një automjeti humbi jetën si pasojë e një aksidenti që ndodhi pasditen e së martës në aksin Rubik-Rrëshen.

Policia njoftoi se rreth orës 17:22, në aksin rrugor Rubik-Rreshen, mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.

LEXO EDHE  Nuk kontrollon dot zjarret në vend, por Peleshi i Ramës shpreh solidaritet me Turqinë

Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes .